Inox мијалници

Inox мијалници — проверена формула што не разочарува

Мијалниците од нерѓосувачки челик (inox) децении се стандард во кујните низ светот — од семејните домови до професионалните ресторани. Причината е едноставна: работат. Немаат проблеми со температурата, не впиваат мириси, не ја менуваат бојата, а кога ќе се изгребаат — што е скоро неизбежно со годините — патината што настанува само им додава карактер.

Предности на inox мијалниците

Inox мијалниците се најповолните од сите три главни материјали (inox, гранит, керамика), а во исто време и најлесни за одржување. Површината не впива боја (ниту од цвекло, ниту од кафе, ниту од куркума), не развива бактерии и не реагира со хемикалии. Лесно се чисти со обичен детерџент и сунгер.

Друга важна ставка е флексибилноста на стилот — inox-от се вклопува во секоја кујна. Во модерната кујна делува минималистички и чисто, во индустриската го нагласува тој естетски код, а во рустичната служи како контраст на дрвото и каменот.

Квалитет на челикот — на што да обратите внимание

Не сите inox-и се исти. Квалитетот на мијалникот го препознавате по:

• Дебелината на лимот — квалитетните мијалници имаат лим со дебелина од 0.8 до 1.0 mm. Потенок лим ”бие барабан“ при перење и полесно се деформира.
• Составот на челикот — стандард е 304 или 18/10 inox (18% хром, 10% никел), што дава отпорност на корозија и сјаен изглед.
• Завршната обработка — сатенската (matt) обработка помалку ги покажува изгреботините од полираниот (сјаен) финиш.

Типови inox мијалници

• Насадни — се поставуваат преку кујнскиот елемент, наједноставни за монтажа, ценовно најповолни
• Вградни — се вградуваат во изрез на работната плоча, работ останува видлив, чист модерен изглед
• Подградни — се монтираат под работната плоча, визуелно најелегантни, идеални за камени работни плочи

По број на корита достапни се модели со едно корито, две корита, како и варијанти со оцедувач за садовите.

Одржување на inox мијалниците

По секоја употреба избришете го мијалникот со сува крпа — водата која се суши остава видливи трагови на каменец, особено во подрачјата со тврда вода. За подлабоко чистење користете благи детерџенти. Избегнувајте челична волна и абразивни правка — тие трајно ја изгребуваат сјајната површина. Дамките од каменец се скинуваат со раствор од оцет и вода.

Зошто да купувате кај нас?

• Проверени брендови и оригинални производи со гаранција
• Сите дебелини на лимот и сите големини — од 40 cm до 120 cm
• Брза испорака
• Помош при изборот на модел што одговара на вашата кујна